السلام عليكم انا منه عمرو "ضي" من جريدة ابناء مصر تسمحلينا نعمل مع حضرتك حوار صحفي؟
الاسم:
-محمد ياسين
السن:
-23
المحافظة:
- الجيزة
لقبك:
-المغنواتي او صانع البهجة او مزيكا
=ممكن تقولنا بدأت غناء امتي؟
-وأنا عندي عشر سنين
=مين وقف جمبك وشجعك في اول خطوه ليك في المجال؟
ولدتي ونورهان سيد
=من رأيك المطرب المثالي او الناجح يتصف بإي؟
إلي يقدر يشد الجمهور اللي يقدر بمجرد مقطع صغير يخلي الناس تنسجم معاه وتقول الله وهو إلي يقدر يتحكم فيهم ويحركهم معاه
=هل واجهتك صعوبات في المجال؟ وازاي تخطيتها؟
كتير بس وجهتها بانها ليس لها وجود من الاساس
=مين اكتر الشخصيات الي قابلتك في مجال الطرب واثرت فيك كمطرب؟
ام كلثوم وعبد الوهاب وعبد الحليم وصابر الرباعي وطبعا كتير من الفنانين الكبار اتعلمت منهم كتير.
=كلمنا عن إنجازاتك؟
انا مطرب وعازف ايقاع محمد ياسين شاركت ف حفلات كتير اوي ومنها حفلات بالأوبرا وساقيه الصاوي ومسرح الزاوية الحمرا والربع الثقافي ومسرح جزيرة الورد بالمنصورة شاركت في مهرجان ابداع ١٠ تحت رعاية وزارة الشباب والرياضة مع منتخب جامعة الفيوم للموسيقي وكعازف خارجي لمنتخب الانشاد الديني ومؤسس كيان سندريلا المسرح مع الكاتبة والشاعرة نورهان سيد سندريلا المسرح وليا اكتر من ١٠ كتب مجمعه تحت اشرافي وكلهم هينزلوا معرض الكتاب الجاي.
بالنسبالك الطرب هواية ولا موهبه؟
هواية وبعدين تبقي مطرب ودي الحاجة اللي مش اي حد بيوصلها.
ممكن اي حد يغني عادي؟
اي حد يغني بس مش اي حد مطرب.
مين مثلك الأعلى؟
مثالي الأعلى في الغناء ام كلثوم
لكن مجال الكتابة والشعر نورهان سيد
هل عندك مواهب تانيه؟
بغني وبنشد وبلعب ايقاع بشكل عام
كلمنا عن خططك المستقبلية في الطرب؟
ناوي ان شاء الله ف المستقبل أسجل حاجه ليا كعمل منفرد بصوتي.
كلمه اخير نختم بيها الحوار الصحفي؟
حابب اهدي كلمة للشاعرة والكاتبة/ نورهان سيد "سندريلا المسرح" إنها موهبة فريدة من نوعها وبقولها كملي في حلمك وهتوصلي لحاجه كبيرة اوي.
بقلم/ منه عمرو "ضي"
تدقيق/ ندى الناظر
إرسال تعليق