السلام عليكم ورحمة الله وبركاته
الشيماء مجدي صالح
من جريدة "أبناء مصر"
1-اسم حضرتك ايه؟
ابنة اليم /شرين شريف
وبتدرسي ايه؟
ثانويه عامه
2-تحدثي عن شرين شريف في بداية الكتابة والآن؟
انا بكتب من اعدادى يعنى من سنبين كل اللى اختلف انى كتاباتى اطورت طبعا دا نتيجة الكتب اللى بستفاد منها كتير جدا و بقرايها بشكل دايم وبتصحح اغلاطى وانى بقيت عضو ف اكتر من كيان ومبادره و دا طور منى بشل كبير
3-ومايميز الكاتبة والشاعرةشرين شريف في الكتابة في الأعمال القادمة ؟
اللى بيميزنى عن غيرى انى الشعر والكتابه بالنسبالى ماهما الا هوايه بجانب دراستى انا بكتب من زمان جدا وبحب الشعر من زمان وسبب تطورى واختلافى هو حبى ل المجال و الوسط
و سبب اختلاف الاعمال الجايه انى بعمل دا حباً فيه مش مستنيه اى عائد وانى عندى اب مستعد يقف جامبى بكل حاجه يمتلكها دا بس علشانى و هو دا سبب اختلافى دايما
4-وما هي العوائق التي تقلل شغف الكاتبة وتجعلها تترك حلم الكتابة وتراه رماد؟
مبدائيا معنى انى كاتبه يعنى كل اللى جوايا بكتبو ع ورق ف شكل قصيده خاطره المهم انى كل مشاعرى بتترجم ع ورق يعنى طول ما الكاتب بيقابل عوائق او احباط و هو اصلا كاتب وغاوى كتابه مش هيبطل يكتب بالعكس خناجر الفشل دى هتخرج منو كتابات محسوسه وبالتالى هيكون افضل اختصار كلامى انى اى مجال قبالنا فيه احباط وموجهناش هنبطل بستثناء الكتابه لانك ف الاخر هتلجأ ل ورقه وقلم ومش هتبطل لكن دا مش معناه انى مفيش عوائق لكن اى ان كانت العوائق دى فهى بتدفعنا ل الافضل مش بتقلل مننا خااص وانا ك شرين مش شايفه اى عائق ف الدنيا يخلينى اشوف حلمى رماد علشان كدا بكمل وبوصل وبحقق و دا بفضل ربنا الحمدلله
5-الأهم في مساعدة الأهل في 2022
ل موهبة الكتابة مساعدة الموهبة ماديا اومعنويا؟
اهلى دايما معايا و جامبى اذا كان معنوى او مادى مش بس ف سبيل تطوير موهبتى ف كل مجال انا فيه دايما بلقى منهم دعم الصغير قبل الكبير الحاجه الوحيده اللى اقدر اقولها انى لو وصلت ف يوم ل حاجه كويسه دا بسبب ربنا ثم اهلى لانى لولهم مكنتش هكون ف المكانه اللى انا فيها لو فضلت اشكرهم عمرى كلو مش هيكفى لكن املى ف ربنا كبير انى اخليهم فخورين بيا
6-أكتر موقف اتعملتي منه شيء ايجابي في وسط الكتابة؟
اتعلمت من الوسط بصفه عامه اننا حلقات وصل ل بعض كلنا بنكمل بعض حقيقى قبلت ناس كانو اكتر من اخوات ودعم كبير ليا وشجعونى ع حاجات مكنتش اقدر اعملها لوحدى اتعلمت من الوسط ازرع خير علشان ف يوم هيجيلك حرفيا فيه ناس كويسه وانا ك شرين مكنتش هكون ف مكانى من غيرهم حبيت روح الحماس والهمه اللى بنشتغل بيها نظرتنا ل بعض اننا مختلفين ومميزين بتشجعنا انا لو مره حسيت هقع مش بلجأ غير ليهم علشان هما دول اللى مرو باللى انا فيه اقدر اقول اتعلمت اشتغل ع نفسى واعرف افرق بين درستى و هوايتى و حياتى الشخصيه اتعملت ازاى اكون ف ضغط و بردو مياثرش فيا اتعلمت اخرج من غلطاتى باقل خساير لحد ما تبقا مش موجوده اتعلمت ازاى اقدر نفسى و موهبتى اجمل ما ف الوسط انى مفيش مكان ل الجهل ودا بجد اللى بيخلينى اتجنب اتعامل ع ارض الواقع
7-كلمة لثلاثة أشخاص سبب في بداية وجود الكاتبة شرين شريف ودخولها وسط الكتابة.
"استاذه ايمان عبدالله "
هى بداية كل حاجه ف حياتى بجد هى اللى اكتشفت موهبتى ف الشعر والالقاء وبذلة كل جهدها ف سبيل انى اكون حاجه كويسه بجد شكرا ليها جدا و ف يوم هوصل ل مكان كويس واقدر اشكرها ع كل حاجه عملتها معايا رغم انو بردو مش هيكفى
بابا " اخ ف وقت خوف واب وقت محنه و خير صديق وقت زعل بابا كل حاجه كويسه ف حياتى بسببو و بسبب دعمو وتشجيعو ليا دايما بيشجعنى اكون مختلفه وكويسه وقدرة احقق وانجز كتير علشان بس هو موجود ومستعد يعمل اى حاجه تساعدنى اذا كان مادى او معنوى خير الاب وخير الصديق وخير الاخ واكبر دعم ليا ف حياتى انا من غير بابا ولا حاجه
ماما "
ماما الجندى المجهول ف حياتى اللى حرفيا بسببها انا دلوقتى قادره اتكلم ماما دايما مديانى مساحه شخصيه وحرية اختيار ممكن يكون دورها ف حياتى مجهول الى انو من غيرها حرفيا مكنتش هكون كدا من غير ثقتها وحبها ليا و حريتى اللى مديهانى و وقتى اللى ع قد مذكرتى بس رغم انى ك بنت المفروض مطلوب منى مسؤوليات تانى بجانب دراستى الا انها شايله كلو من ع كتافى و دا سبب كبير انى قدرة ف وقت فراغى اعمل انجازات و اطور موهبتى يعنى بجد من غيرها مكنتش هكون ف مكانى دا وبالشكل دا
8-تحدثي عن شعورك وكيفية وصولك لأول عمل منفرد.
لا هو ميتوصفش انا دايما حلمى وكل طموحاتى انى اكتب اسمى ف ورقه بعدها فجائه لقيتنى بحضر ل كاتبى المنفرد فرحتى و شعورى وقتها بجد ميتوصفش لما الدرا نزلت الغلاف وقبلت الكتاب الصفحه اللى كنت بكتب فيها الشكر كانت دموعى نازله ومش متخيله انو بجد قدرة اعمل حاجه ف حياتى اسمى هيكون موجود حتا لو انا مش موجوده وانا بسلم الكتاب وبتفق ع عدد النسخ والتعاقد حسيت انى بجد اقدر اقول انى اتخلقت علشان رساله لزم توصل ادركة وقتها انى ف ايدى حاجات كتير مش مع حد حلمت اكون وسط الشعراء االلى ماتو من سنيين كتير لكن أسمائهم مازالت موجوده وهتكون موجوده ل ابد الدهر ف عقول كتاب وقرأ يحييهم العالم حسيت انى هكون ف يوم حاجة اذا كان عن طريق درستى واحقق حلمى او عن طريق هوايتي و موهبتى الا انى هكون ف الاخر شخص العالم يشاور عليه وع نجاحو مشاعر كتير بين فخر وحب و فرح لكن ما هى الا البدايه وربنا يقدرنى واكون ف يوم اللى انا مستنياه
شكرا جدا لحضرتك وادعوا الله دوام النجاح والتوفيق لكي
ولكل القُراء دمتم بخير.
وانتظروا كل ماهو جديد عن مواهب Talent Show
https://t.me/+YXARR1ckTzgzMzA0
والسلام عليكم ورحمة الله وبركاته.
إرسال تعليق